Mga Madalas na Katanungan Tungkol sa Posibleng Pagkuha sa Regional Medical Center
Ang Regional Medical Center (RMC) ay isang acute care na ospital na mayroong 258 na kama na matatagpuan sa East San José sa North Jackson Avenue at McKee Road. Ang pagpapabilang ng RMC sa Santa Clara Valley Healthcare system ng County ay hahayaan ang County na matiyak ang kaunting pagkagambala lamang sa mga serbisyo sa trauma at iba pang kritikal na serbisyo sa kalusugan ng mga residente ng East San José; tulungan ang County na maiwasan ang malaking karagdagang mga gastos, pressure, at makaranas ng mga hamon sa iba pang mga ospital ng County; at gawin ang County na mas mapaglingkuran ang buong komunidad sa pamamagitan ng pagsasama ng pangangalaga sa RMC sa kasalukuyan nitong komprehensibong network ng mga ospital at klinika.
Sa umpisa ng buwan na ito, ang HCA Healthcare, na nagmamay-ari sa RMC, ay nagpababa ng antas ng mga serbisyo sa trauma, comprehensive stroke, at cardiac services sa ospital. Ang mga pagbabago na ito ay naging epektibo noong Agosto 12, 2024. Ang RMC ang nag-iisang ospital sa East San José, isa sa pinakamataas ang pangangailangan na lugar sa ating rehiyon. Ang RMC ay makasaysayang nakapaglingkod ng higit-kumulang 2,450 na mga trauma patient bawat taon, na mapapabilang sa higit-kumulang isang quarter ng lahat ng mga kaso ng trauma sa Santa Clara County.
Ang mga pagbabagong ito sa antas ng serbisyo sa RMC ay gumagawa na ng malaking pagtaas ng bilang ng trauma patient sa Santa Clara Valley Medical Center, ang Level I na trauma center ng County. Binigyan lamang nito ang County ng dalawang maaaring tahakin upang matiyak na ang mga residente ng East San José at ang buong county ay patuloy na magkakaroon ng access sa emerhensiyang medikal na pangangalaga na kailangan nila: (1) paggawa ng mahalagang pamumuhunan upang mapalawak ang pangangalaga sa tatlong kasalukuyang mga ospital, kabilang ang magastos na pagpapatayo ng bago at pinalawak na mga pasilidad, o (2) pagbili ng RMC, upang mapanatili ang mga serbisyong ito sa kanilang kasalukuyang lokasyon kung saan ang mga serbisyo ay kritikal na kailangan.
Pinaglilingkuran ng RMC ang isang heograpikong lugar na kabilang ang ilan sa higit na nakakaranas ng pinansiyal na kahirapan na populasyon sa county, na may mas mataas na antas ng matagal nang sakit, trauma, at kahirapan. Ang mga residente na naninirahan sa limang mga zip code na malapit na nakapaligid sa RMC ay mas dobleng malamang na magkaroon ng kawalan ng health insurance kumpara sa kabuuan ng mga residente ng County.
Ang mga lugar sa paligid ng RMC ay isa rin sa pinakamagkakaibang mga komunidad ng ating county. Higit sa kalahati ng mga residente ay Latino, 33% ay mga Asian American, 11% ay White, at 2.4% ay African American. Pitumpung porsiyento ay nagsasalita ng ibang wika sa tahanan maliban sa Ingles.
Ang pagpapabilang sa RMC sa Santa Clara Valley Healthcare ay direktang nakaugnay sa misyon ng County na makapagbigay ng safety-net services (pagbibigay ng serbisyo anuman ang katayuang pinansiyal) para sa buong komunidad at pagpapalawak ng pagkuha ng abot-kaya na pangangalagang pangkalusugan. Sasali ang RMC sa isang health system na kabilang ang tatlong iba pang lokal na mga ospital at 14 na mga klinika, na magpapahusay sa pag-uugnay ng pangangalaga at pagpapabilis o pagpapabuti ng access sa mga specialty at pangunahing mga serbisyong pangangalaga na kailangan ng mga RMC patient.
Ang mga pangunahing benepisyo sa pagbili ng County ng RMC ay:
- Pagpapanatili at pagpapalawak ng mga kritikal na linyang pangserbisyo para sa benepisyo ng komunidad, kabilang ang Level II trauma, comprehensive stroke, at cardiac care, pati na rin ang muling pagbabalik ng mga serbisyo sa panganganak.
- Pagpapahusay ng pag-access para sa mga miyembro ng komunidad na may pinakamalaking pangangailangan sa pamamagitan ng pagsasama ng mga serbisyo sa mga naparangalan na sistemang pampublikong ospital ng County.
- Pagpapanatili ng mga mahuhusay na trabaho at kabuhayan para sa mga pinahahalagahan na mga tagapagbigay ng pangangalagang pangkalusugan at mga empleyado sa RMC, kanilang mga pamilya, at ang maraming negosyong nakikipagtulungan sa ospital.
- Pag-iwas sa malalaking gastusin na maaaring matamo ng County, kabilang ang napakagastos na pagpapalawak ng pasilidad sa ating kasalukuyang mga ospital upang matugunan ang pangangailangan ng komunidad at "mga panlabas na medikal na gastos" na ibinayad sa RMC para sa mga pasyenteng binabayaran ng County ang mga gastos sa pangangalagang pangkalusugan.
Naging matagumpay kamakailan ang County na makakuha ng pag-apruba ng Federal Emergency Management Agency (FEMA) upang makatanggap ng reimbursement para sa mga pagsisikap ng County na magresponde sa panahon ng COVID-19 pandemic, ibinatay sa karamihan sa mga serbisyong ibinigay sa ating komunidad sa pamamagitan ng Santa Clara Valley Healthcare. Itong mga one-time na mga pondo, inaasahang matatanggap sa mga susunod na ilang buwan, ay angkop na gamitin bilang pampuhunan sa pagkuha sa RMC na hindi makakaapekto nang negatibo sa natitirang budget ng County. Bilang dagdag, maaaring mag-isyu ang County ng mga lease revenue bond upang tustusan ang pagbili ng RMC, gagamitin ang RMC mismo bilang ipinangakong collateral. Inaasahan ng Administrasyon ng County na ang pagsasama ng dalawang pagkukunan na ito ay ihahain sa Lupon ng Mga Superbisor para sa kanilang pag-apruba upang mapunuan ang presyo ng pagbili nang walang anumang negatibong epekto sa kasalukuyang budget o capital plan ng County.
Mahalaga rin na maintindihan na mayroong malaking pinansiyal na gastos at panganib sa County kung hindi bibilhin ang RMC. Ang mga kasalukuyang pagbabago sa mga linya ng serbisyo sa RMC ay mangangailangan sa mga karatig na mga ospital, partikular sa Santa Clara Valley Medical Center (SCVMC), na dagdagan ang pagkakaroon ng mga empleyado at kapasidad para paglingkuran ang karagdagang mga pasyente.
Halimbawa, ang SCVMC—ang nag-iisang iba pang trauma center sa loob ng 15 milya ng RMC—ay nakakaranas ng malaking pagtaas ng mga kaso ng trauma sa kasalukuyang mga buwan. Mula Pebrero 2024 (noong unang ipinahayag ng RMC ang mga plano nito na magbawas ng mga serbisyo sa trauma) hanggang Hulyo 2024, ang bilang ng mga trauma patient sa SCVMC ay tumaas ng 25 na porsiyento kumpara sa parehong mga buwan noong nakaraang taon. Sa unang linggo pagkatapos bawasan ang mga serbisyo sa RMC noong Agosto 2024, ang bilang ng mga trauma patient sa SCVMC ay biglang tumaas sa 50 na porsiyento kumpara sa karaniwang linggo ng nakaraang Agosto.
Kung kaya, kung hindi binili ng County ang RMC at nagpabalik ng mga serbisyo sa lokasyon na iyon, kakailanganin ng County na magpuhunan sa pagkakaroon ng empleyado, at pagpapalawak ng serbisyo sa SCVMC at iba pang lugar upang mapaglingkuran ang karagdagang bilang ng mga pasyente, habang ang mga pasyente sa East San José ay dadanasin pa rin ang mas mahabang oras ng paghahatid ng ambulansya at ang mga pasyente sa mga ospital sa loob ng county ay makakaranas ng mas mahabang oras ng paghihintay sa ER. Sa pamamagitan ng pagbili sa RMC, maiiwasan ng County ang ganitong mga epekto, habang napapanatili ang mahahalagang serbisyo sa RMC sa East San José at mapaunlad ang higit na mahahalagang mga puhunan na pasilidad sa RMC sa nakaraang dekada.
Hangad ng County na tiyakin ang pagpapanatili ng lahat ng mga serbisyo sa RMC, kabilang ang pagbibigay ng Level II na mga serbisyo sa trauma, pangangalaga sa mga na-stroke, at specialized na mga serbisyo sa mga inatake sa puso (pangangalaga sa mga nakaranas ng STEMI). Pangunahing plano rin ng County na ibalik ang mga serbisyo sa obstetrics, labor and delivery, at pangangalaga sa mga bagong silang na sanggol, na isinara sa RMC noong 2020. Sa oras na makumpleto ang pagkuha at pangasiwaan ng County ang mga operasyon sa RMC (inaasahan sa unang quarter ng 2025), sisimulan ng County ang pagbalik ng mga serbisyo, ngunit ang mismong timeline ay hindi pa matutukoy hanggang makumpleto ang pagkuha.
Sa maikling termino, walang magbabago para sa mga pasyente ng RMC at sa mahigit 1,600 empleyadong nangangalaga sa kanila, dahil patuloy silang magtatrabaho sa HCA habang tinatapos ng County ang pagbili ng ospital. Sa susunod na ilang buwan, magtutulungan ang County at HCA upang matiyak ang mapayapa at maayos na paglipat, kabilang ang para sa kasalukuyang kawani ng RMC. Ang County ay nakatuon sa pag-aalok ng trabaho sa lahat ng karapat-dapat na empleyado sa RMC, at dahil ang County ay isang mahusay na itinuturing at matatag na tagapag-empleyo na nag-aalok ng napakakumpitensyang sahod at mga benepisyo, inaasahan namin na ang karamihan sa kasalukuyang kawani ng RMC ay magpapasya na patuloy na magtrabaho sa RMC kapag ito ay pinamamahalaan ng County.
Ang County at HCA ay nasa proseso na ngayon ng pakikipag-ayos sa isang kasunduan sa pagbili, pagkumpleto ng “angkop na hakbang at pagsusuri” na proseso ng pagkuha, at ginagawa ang mga hakbang na kinakailangan upang makakuha ng mga naaangkop na pag-apruba upang magpatuloy sa transaksiyon, na tatagal ng ilang buwan. Inaasahan ng County na makumpleto ang transaksiyon at maisagawa ang mga operasyon sa RMC sa unang quarter ng 2025. Sa pansamantala, magtutulungan ang County at HCA upang matiyak ang isang maayos na paglipat na may kaunting pagkagambala sa mga serbisyong pangkalusugan para sa parehong mga miyembro ng komunidad at mga empleyado ng ospital.
Oo. Ang komento ng komunidad ay mahalaga sa County, at inaasahan namin ang paglahok ng komunidad sa buong transisyon na ito. Tulad ng anumang makabuluhang desisyon ng County, ilang mga hakbang sa pagkuha ng RMC ay nangangailangan ng pormal na pag-apruba ng Lupon sa mga pampublikong pulong ng Lupon at magkakaroon ng pagkakataon para sa mga residente na magpahayag ng saloobin na isaalang-alang sa panahon ng proseso ng pampublikong pag-apruba ng Lupon.